EIN GWELEDIGAETH: Dyheu. Dysg. Daioni.
Gellir mynegi’r weledigaeth ar gyfer ein hysgol mewn tri gair; “ Dyheu. Dysg. Daioni.” Mae’n amlinellu ein gweledigaeth a’n hymrwymiad clir i ragoriaeth, tegwch a lles ac mae’n crynhoi pedwar diben Cwricwlwm i Gymru y bydd ein holl blant a phobl ifanc yn:
- ddysgwyr uchelgeisiol, galluog sy’n barod i ddysgu gydol eu hoes
- unigolion iach, hyderus sy’n barod i fyw bywyd gan wireddu eu dyheadau fel aelodau gwerthfawr o gymdeithas
- cyfranwyr mentrus, creadigol sy’n barod i chwarae eu rhan yn llawn yn eu bywyd a gwaith
- dinasyddion egwyddorol, gwybodus sy’n barod i fod yn ddinasyddion i Gymru a’r byd.
Datganiad Ysbrydol yr Ysgol
- Boed i ni yn Ysgol Gyfun Cwm Rhondda ymfalchïo yn ein hiaith, ein cenedl, ein gwlad
- Helpwn ein gilydd ym mhob sefyllfa, heb ystyried crefydd, cred, hil, neu liw.
- Ymdrechwn ein gorau ym mhob maes, yn academaidd neu’n allgyrsiol.
- Dymunwn i bawb fod yn hapus a chyfforddus yng nghwmni ei gilydd, trwy barchu a thrin eraill fel y dymunwn gael ein trin.
- Dilynwn ein breuddwydion er mwyn cyrraedd ein nod.
- Gwnawn ddewisiadau doeth er mwyn sicrhau llwyddiant ym mhob peth.
- Gweithiwn yn gytûn er mwyn gwneud Cwm Rhondda a Chymru’n falch ohonom.
- Cydnabyddwn mai nyni yw’r dyfodol, a nyni a geidw olwyn treftadaeth i droi.
